ନୀଳାଚଳ ଇସ୍ପାତ ନିଗମର କ୍ୱାଲିଟି ସର୍କଲ ‘ବ୍ରାହ୍ମଣୀ’ ସିଆଇଆଇ ଜାତୀୟ ସମ୍ମିଳନୀ ୨୦୨୬ରେ ସ୍ୱତନ୍ତ୍ର ସମ୍ମାନରେ ସମ୍ମାନିତ,,
*ନୀଳାଚଳ ଇସ୍ପାତ ନିଗମର କ୍ୱାଲିଟି ସର୍କଲ ‘ବ୍ରାହ୍ମଣୀ’ ସିଆଇଆଇ ଜାତୀୟ ସମ୍ମିଳନୀ ୨୦୨୬ରେ ସ୍ୱତନ୍ତ୍ର ସମ୍ମାନରେ ସମ୍ମାନିତ* ଯାଜପୁର କଳିଙ୍ଗନଗର, ନୀଳାଚଳ ଇସ୍ପାତ ନିଗମ (ଏନଆଇଏନଏଲ) ର ବ୍ଲାଷ୍ଟ ଫର୍ଣ୍ଣେସ୍ କ୍ୱାଲିଟି ସର୍କଲ ‘ବ୍ରାହ୍ମଣୀ’, କନଫେଡେରେସନ୍ ଅଫ୍ ଇଣ୍ଡିଆନ୍ ଇଣ୍ଡଷ୍ଟ୍ରି (ସିଆଇଆଇ) ଦ୍ୱାରା ପ୍ରତିଷ୍ଠିତ ‘ସ୍ପେଶାଲ ମେନସନ୍ ଆୱାର୍ଡ’ ବା ସ୍ୱତନ୍ତ୍ର ସମ୍ମାନ ଜନକ ପୁରସ୍କାରରେ ସମ୍ମାନିତ ହୋଇଛି। ଚେନ୍ନାଇଠାରେ ଅନୁଷ୍ଠିତ ସିଆଇଆଇ ବାର୍ଷିକ ଜାତୀୟ ସମ୍ମିଳନୀ ୨୦୨୬ରେ ‘ମାନୁଫାକଚରିଂ’ ବା ଉତ୍ପାଦନ ବର୍ଗରେ ଏହି ପୁରସ୍କାର ମିଳିଛି। ୨୦୨୫-୨୦୨୬ ବର୍ଷ ମଧ୍ୟରେ ‘ବ୍ରାହ୍ମଣୀ’ ଦଳ ହାସଲ କରିଥିବା ଅନେକ ଗୁରୁତ୍ୱପୂର୍ଣ୍ଣ ସଫଳତା ପରେ ଜାତୀୟ ସ୍ତରର ଏହି ସମ୍ମାନ ମିଳିଛି। ଚଳିତ ବର୍ଷ ମାର୍ଚ୍ଚ ମାସରେ ଆଞ୍ଚଳିକ ସ୍ତରୀୟ ସିଆଇଆଇ ସମ୍ମିଳନୀରେ ଏହି ଦଳ ଦ୍ୱିତୀୟ ରନର୍ସ-ଅପ୍ ସ୍ଥାନ ହାସଲ କରିଥିଲା। ଏହି ସଫଳତାର ଯାତ୍ରା ରାଜ୍ୟ ସ୍ତରରୁ ଆରମ୍ଭ ହୋଇଥିଲା, ଯେଉଁଠାରେ ସେମାନେ ସିଆଇଆଇ ରାଜ୍ୟ ସ୍ତରୀୟ ସମ୍ମିଳନୀରେ ପ୍ରଥମ ପୁରସ୍କାର ଜିତି ଉତ୍ପାଦନର ଗୁଣବତ୍ତା ଏବଂ ଦକ୍ଷତା କ୍ଷେତ୍ରରେ ନିଜକୁ ଅଗ୍ରଣୀ ଭାବେ ପ୍ରତିଷ୍ଠିତ କରିପାରିଥିଲେ। ଉକ୍ତ ପ୍ରତିଯୋଗିତାରେ ଏସଏମଏସ କ୍ୱାଲିଟି ସର୍କଲ ‘ଉତ୍କର୍ଷ’ ମଧ୍ୟ ଜୁରି ପୁରସ୍କାରରେ ସମ୍ମାନିତ ହୋଇଥିଲା। ଏହି ସମସ୍ତ ସଫଳତା ନୀଳାଚଳ ଇସ୍ପାତ ନିଗମର କର୍ମଚାରୀଙ୍କ ବୈଷୟିକ ଦକ୍ଷତା ଏବଂ କ୍ରମାଗତ ଉନ୍ନତିମୂଳକ କାର୍ଯ୍ୟ ସଂସ୍କୃତିକୁ ସୂଚାଉଛି।
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
