ବଡସାହିରେ ଗର୍ଜିଲା ଭଞ୍ଜ ସେନା! ଶିକ୍ଷା-ସ୍ୱାସ୍ଥ୍ୟ-ପାନୀୟ ଜଳ ଓ ଯୁବ ପିଢ଼ିର ସ୍ଥାୟୀ ସମାଧାନ ଦାବିରେ ମୁଖ୍ୟମନ୍ତ୍ରୀଙ୍କୁ ଦାବିପତ୍ର*
*ବଡସାହିରେ ଗର୍ଜିଲା ଭଞ୍ଜ ସେନା! ଶିକ୍ଷା-ସ୍ୱାସ୍ଥ୍ୟ-ପାନୀୟ ଜଳ ଓ ଯୁବ ପିଢ଼ିର ସ୍ଥାୟୀ ସମାଧାନ ଦାବିରେ ମୁଖ୍ୟମନ୍ତ୍ରୀଙ୍କୁ ଦାବିପତ୍ର* *ମୟୂରଭଞ୍ଜର ମୌଳିକ ସମସ୍ୟାର ସମାଧାନ ପାଇଁ ରାଜରାସ୍ତାକୁ ଓହ୍ଲାଇଲେ ଯୁବ ଛାତ୍ର* *ବଡସାହି (ଶୁଭାଶିଷ ଚୌଧୁରୀ):* କେବଳ ପ୍ରତିଶ୍ରୁତିରେ ପେଟ ପୁରିବନି, ଦରକାର ସ୍ଥାୟୀ ସମାଧାନ! ଏହି ନାରା ଦେଇ ଆଜି ବଡସାହି ବ୍ଲକ ଭଞ୍ଜ ସେନା ମୟୂରଭଞ୍ଜ ଜିଲ୍ଲା ତଥା ବଡସାହି ବ୍ଲକର ମୌଳିକ ସମସ୍ୟାଗୁଡ଼ିକୁ ନେଇ ହୁଙ୍କାର ଦେଇଛି। *କ’ଣ ଅଛି ଦାବିପତ୍ରରେ?* ଭଞ୍ଜ ସେନାର ମୁଖ୍ୟ ଦାବି ହେଉଛି ୪ଟି ପ୍ରସଙ୍ଗରେ ସ୍ଥାୟୀ ସମାଧାନ - *୧. ଶିକ୍ଷା -* ବଡସାହି ଅଞ୍ଚଳର ସ୍କୁଲ-କଲେଜରେ ଶିକ୍ଷକ ଅଭାବ ଦୂର କରାଯାଉ, ଲାବୋରେଟୋରୀ ଓ ପାଠାଗାରର ଉନ୍ନତି କରାଯାଉ। *୨. ସ୍ୱାସ୍ଥ୍ୟ -* ଗ୍ରାମାଞ୍ଚଳ ଡାକ୍ତରଖାନାରେ ଡାକ୍ତର ଓ ଔଷଧର ସ୍ଥାୟୀ ବ୍ୟବସ୍ଥା କରାଯାଉ। *୩. ପାନୀୟ ଜଳ -* ପ୍ରତ୍ୟେକ ଗାଁରେ ବିଶୁଦ୍ଧ ପାନୀୟ ଜଳ ଯୋଗାଣ ସୁନିଶ୍ଚିତ କରାଯାଉ। *୪. ଯୁବ ପିଢ଼ିର ଭବିଷ୍ୟତ -* ଯୁବକମାନଙ୍କ ପାଇଁ ନିଯୁକ୍ତି ଓ ଆତ୍ମନିର୍ଭରଶୀଳ ଯୋଜନା କାର୍ଯ୍ୟକାରୀ କରାଯାଉ। ଏହି ଦାବିରେ ଆଜି ବଡସାହି ବ୍ଲକ ଭଞ୍ଜ ସେନା ଶାଖା ପକ୍ଷରୁ ବ୍ଲକ ବିଡିଓ ବନଜା ଦାସଙ୍କ ଜରିଆରେ ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରାଯାଇଛି। *କିଏ ଥିଲେ?* ଆଜିର ଏହି କାର୍ଯ୍ୟକ୍ରମରେ ଛାତ୍ର ସଭାପତି ଦୀପକ କୁମାର ବେହେରାଙ୍କ ନେତୃତ୍ୱରେ ବଡସାହି ବ୍ଲକ ଅଞ୍ଚଳର ପ୍ରମୋଦ ବେହେରା, ଶୁଭେନ୍ଦୁ ଶେଖର ଭକ୍ତା, ଫାୟାର ମଣ୍ଡଳ, ଶିବାଜୀ ପଣ୍ଡା, ତୁଷାର ରଞ୍ଜନ ମହାପାତ୍ର, ରତନ କୁମାର ମହାକୁଡ, ସିପୁନ ନାୟକ, ଚନ୍ଦନ ନାୟକ, ଅଶୋକ ବେହେରା, ଶିବ ଭକ୍ତା, ଲିପୁନ କଟୁଆଳ, ରାଜେଶ ଦାସ, ସାଲଖାନ ଭକ୍ତା, ରିଥୁନ ଭକ୍ତା ପ୍ରମୁଖ ଯୁବ ଛାତ୍ର ସଂଗଠକମାନେ ସାମିଲ ଥିଲେ। ଏହି ଯୁବ ଗୋଷ୍ଠୀର ଏକତା ଆଗାମୀ ଦିନରେ ବଡସାହି ରାଜନୀତିରେ ବଡ଼ ପରିବର୍ତ୍ତନ ଆଣିବ ବୋଲି ଚର୍ଚ୍ଚା ହେଉଛି। ଭଞ୍ଜ ସେନାର ଚେତାବନୀ - ଯଦି ତୁରନ୍ତ ପଦକ୍ଷେପ ନିଆ ନ ଯାଏ, ତେବେ ଆଗାମୀ ଦିନରେ ବ୍ଲକ ଠାରୁ ଜିଲ୍ଲା ପର୍ଯ୍ୟନ୍ତ ବଡ଼ ଆନ୍ଦୋଳନ କରାଯିବ। *ମୟୂରଭଞ୍ଜରୁ ଶୁଭାଶିଷ ଚୌଧୁରୀଙ୍କ ରିପୋର୍ଟ*
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
