ବିକଶିତ ଭାରତ ସଂକଳ୍ପ ଅଭିଯାନ’ ଅଧୀନରେ 'ନଶା ମୁକ୍ତ ଯୁବ' କାର୍ଯ୍ୟକ୍ରମରେ ଯୁବବର୍ଗଙ୍କୁ ପ୍ରଧାନମନ୍ତ୍ରୀଙ୍କ ଭର୍ଚ୍ଚୁଆଲ୍ ସମ୍ବୋଧନ: ୨୦୪୭ ସୁଦ୍ଧା ନଶା ମୁକ୍ତ ଓ ବିକଶିତ ଭାରତ ଗଠନ ପାଇଁ ଆହ୍ୱାନ,,
‘ବିକଶିତ ଭାରତ ସଂକଳ୍ପ ଅଭିଯାନ’ ଅଧୀନରେ 'ନଶା ମୁକ୍ତ ଯୁବ' କାର୍ଯ୍ୟକ୍ରମରେ ଯୁବବର୍ଗଙ୍କୁ ପ୍ରଧାନମନ୍ତ୍ରୀଙ୍କ ଭର୍ଚ୍ଚୁଆଲ୍ ସମ୍ବୋଧନ: ୨୦୪୭ ସୁଦ୍ଧା ନଶା ମୁକ୍ତ ଓ ବିକଶିତ ଭାରତ ଗଠନ ପାଇଁ ଆହ୍ୱାନ
ଯାଜପୁର -ତା ୦୨. ୦୮. ୨୦୨୬ରିଖ(ସରୋଜ କୁମାର ଧଳ:ଓମ ମିଡ଼ିଆ )
୨୦୪୭ ସୁଦ୍ଧା ଏକ ବିକଶିତ ଓ ନଶା ମୁକ୍ତ ଭାରତ ଗଠନ ଲକ୍ଷ୍ୟରେ ଯାଜପୁର ଜିଲ୍ଲା ବ୍ୟାସନଗର ସ୍ଥିତ ଭି. ଏନ୍. ସ୍ୱୟଂଶାସିତ ମହାବିଦ୍ୟାଳୟଠାରେ ସାରା ଦେଶରେ ପାଳିତ ହେଉଥିବା ‘ନଶା ମୁକ୍ତ ଯୁବ ଭାରତ’ ସଂକଳ୍ପ ଅଭିଯାନ ଆଜି ସଫଳତାର ସହ ଆୟୋଜିତ ହୋଇଯାଇଛି। ଏହି କାର୍ଯ୍ୟକ୍ରମରେ ଜିଲ୍ଲାର ଶହ ଶହ ଯୁବବର୍ଗ ଓ ଛାତ୍ରଛାତ୍ରୀ ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ସୀଧାସଳଖ ଭର୍ଚ୍ଚୁଆଲ୍ ସମ୍ବୋଧନ ଶୁଣିବାକୁ ଏକତ୍ରିତ ହୋଇଥିଲେ।
ଭାରତ ସରକାରଙ୍କ ଯୁବ ବ୍ୟାପାର ଓ କ୍ରୀଡ଼ା ମନ୍ତ୍ରଣାଳୟର ‘ମାଇଁ ଭାରତ’ (MY Bharat) ଦ୍ୱାରା ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା। ଯୁବସମାଜକୁ ନିଶାଦ୍ରବ୍ୟର କୁପ୍ରଭାବ ବିଷୟରେ ସଚେତନ କରିବା ଏବଂ ‘ନଶା ମୁକ୍ତ ଯୁବ ଭାରତ’ ଓ ‘ବିକଶିତ ଭାରତ@୨୦୪୭’ର ସ୍ୱପ୍ନକୁ ସାକାର କରିବାରେ ସେମାନଙ୍କୁ ସକ୍ରିୟ ଭାଗିଦାର କରିବା ଏହି ଅଭିଯାନର ମୁଖ୍ୟ ଉଦ୍ଦେଶ୍ୟ।
ଏହି ସମାରୋହରେ ଭି. ଏନ୍. ସ୍ୱୟଂଶାସିତ ମହାବିଦ୍ୟାଳୟର ଛାତ୍ରଛାତ୍ରୀ, ଏନ୍.ସି.ସି. (NCC) କ୍ୟାଡେଟ୍, ଏନ୍.ଏସ୍.ଏସ୍. (NSS) ସ୍ୱେଚ୍ଛାସେବୀ ଏବଂ ଜିଲ୍ଲାର ଅନ୍ୟାନ୍ୟ ଯୁବପିଢ଼ି ଉତ୍ସାହର ସହ ଅଂଶଗ୍ରହଣ କରିଥିଲେ। ମହାବିଦ୍ୟାଳୟର ଅଧ୍ୟାପକ-ଅଧ୍ୟାପିକା, ଏନ୍.ସି.ସି. ଅଧିକାରୀ, ଜାତୀୟ ସୂଚନା ବିଜ୍ଞାନ କେନ୍ଦ୍ର (NIC)ର କର୍ମକର୍ତ୍ତା ଏବଂ ଯାଜପୁର ‘ମାଇଁ ଭାରତ’ର ଜିଲ୍ଲା ଯୁବ ଅଧିକାରୀ କାର୍ଯ୍ୟକ୍ରମରେ ଉପସ୍ଥିତ ରହି ଯୁବବର୍ଗଙ୍କୁ ନିଶା ନିବାରଣ ଆନ୍ଦୋଳନରେ ଆଗୁଆ ହେବାକୁ ଉତ୍ସାହିତ କରିଥିଲେ।
ନିଜର ଭର୍ଚ୍ଚୁଆଲ୍ ସମ୍ବୋଧନରେ ମାନ୍ୟବର ପ୍ରଧାନମନ୍ତ୍ରୀ ଏକ ସୁସ୍ଥ, ଶୃଙ୍ଖଳିତ ଓ ସଶକ୍ତ ରାଷ୍ଟ୍ର ଗଠନରେ ଯୁବପିଢ଼ିଙ୍କ ଗୁରୁତ୍ୱପୂର୍ଣ୍ଣ ଭୂମିକା ଉପରେ ଆଲୋକପାତ କରିଥିଲେ। ନିଶାସକ୍ତତାରୁ ଦୂରେଇ ରହି ସମାଜରେ ସକାରାତ୍ମକ ପରିବର୍ତ୍ତନ ଆଣିବାକୁ ସେ ଯୁବସମାଜକୁ ଆହ୍ୱାନ ଦେଇଥିଲେ।
ପ୍ରଧାନମନ୍ତ୍ରୀଙ୍କ ଭାଷଣ ପରେ ସମସ୍ତ ଅଂଶଗ୍ରହଣକାରୀ ‘ନଶା ମୁକ୍ତି ସଂକଳ୍ପ’ ପାଠ କରିଥିଲେ। ନିଜେ ନିଶାମୁକ୍ତ ଜୀବନଯାପନ କରିବା ସହ ନିଜ ପରିବାର, ସାଙ୍ଗସାଥୀ ଓ ସମାଜରେ ସଚେତନତା ସୃଷ୍ଟି କରିବାକୁ ସମସ୍ତେ ପ୍ରତିଶ୍ରୁତିବଦ୍ଧ ହୋଇଥିଲେ। ଏତଦ୍ବ୍ୟତୀତ ‘ମାଇଁ ଭାରତ’ ପୋର୍ଟାଲରେ ଇ-ସଂକଳ୍ପ (e-Pledge) ନେବା ସହ କାମ୍ପେନ୍ ଅଧୀନରେ ଆୟୋଜିତ ଚିତ୍ରାଙ୍କନ, ବିତର୍କ, ସ୍ଲୋଗାନ ଲେଖା, ଲୋକଗୀତ, ମୂକାଭିନୟ (Mime) ଏବଂ ଶର୍ଟ ଫିଲ୍ମ/ରିଲ୍ସ ପ୍ରତିଯୋଗିତାରେ ସକ୍ରିୟ ଭାବେ ଭାଗ ନେବାକୁ ଯୁବକମାନଙ୍କୁ ପ୍ରୋତ୍ସାହିତ କରାଯାଇଥିଲା।
‘ନଶାମୁକ୍ତ ଯୁବ ଭାରତ’ ଓ ‘ବିକଶିତ ଭାରତ@୨୦୪୭’ର ସ୍ୱପ୍ନକୁ ସାକାର କରିବା ପାଇଁ ଯାଜପୁରର ଯୁବପିଢ଼ିଙ୍କ ଅଙ୍ଗୀକାରବଦ୍ଧତା ଓ ସାମୂହିକ ଉତ୍ସର୍ଗୀକୃତ ମନୋଭାବର ବାର୍ତ୍ତା ସହ କାର୍ଯ୍ୟକ୍ରମଟି ସଫଳତାର ସହ ସମାପ୍ତ ହୋଇଥିଲା।
What's Your Reaction?
Like
0
Dislike
0
Love
0
Funny
0
Angry
0
Sad
0
Wow
0
